Хајдук Вељкова 1, 21137 Нови Сад / 021 4843484

СТРОГО ЗАБРАНЄНЕ:

ХАСНОВАТЕЛЬОМ ЗДРАВСТВЕНЕЙ УСЛУГИ ЗАБРАНЄНЕ

ЗОЗ  П Р А В И Л Н Ї К А

О ДОМАШНЇМ ПОРЯДКУ КЛИНЇЧНОГО ЦЕНТРА ВОЙВОДИНИ

ДОМАШНЇ ПОРЯДОК КЛИНЇЧНОГО ЦЕНТРА ВОЙВОДИНИ

СТРОГО ЗАБРАНЄНЕ:

– уношиц и хасновац алкоголни напой и други опойни субстанци;

– уношиц оружиє (пиштоль, нож);

– уношиц, односно уводзиц, домашнїх любимцох до обєктох Клинїчного центру;

– кричац, лупац, наглас телефоновац, шпивац и на други способ потупйовац порядок и мир у комплексу Клинїчного центру;

– куриц, окрем на, за тоти наменки, одредзеним месце за одредзени катеґориї пациєнтох;

– шедзиц на посцелї пациєнтох;

– фотоґрафовац и знїмац медицинску документацию, пациєнтох, здравствених роботнїкох и здравствених сотруднїкох и други особи у просторийох клинїчного центру;

– очкодовац и/або знїщиц медицинску и другу опрему и маєток Клинїчного центру;

– войсц, без поволанки, до ординацийох и других службених просторийох Клинїчного центра;

– уношиц поживово артикли до хижи пациєнта без дошлєбодзеня овласценого здравственого роботнїка;

– руцац шмеце коло судзинох яки наменєни за його одкладанє;

– знїщїц мобилияр, квеце, саднїци и друге прикрасне желєнїдло у комплексу Клинїчного центру;

– напущиц хижу за хоротнїкох, односно простор за хоротнїкох як пациєнт на стационарним лїченю без дошлєбодзеня овласценого здравственого роботнїка.

Кед ше пациєнт, нащивитель або други особи хтори пребуваю у Клинїчним центру нє притримую забранох яки предписани зоз тим домашнїм порядком, овласцени здравствени роботнїк го спозори, а кед и на далєй предлужи зоз забранєним справованьом, повола службу обезпеченя же би превжала мири зоз своєй компетенциї.

Пациєнтови хтори нє поступи по спозореню, овласцени здравствени роботнїк може нє дац здравствену услугу у складзе зоз законом з яким ушорени права пациєнтох и процедуру Клинїчного центру, окрем наглей медицинскей помоци.

Член 10.

Здравствени роботнїк цо задлужени за приєм пациєнтох упознава пациєнта обовязносцу притримованя Домашнього порядку.

Пациєнт подписує вияву зоз хтору ше потвердзує же прилапює Домашнї порядок и же є упознати зоз пошлїдками пре його нєпритримованє. Виява предписана на формулару КР хтори часц того правилнїка.

Кед пациєнт при приєму нє у стану розумиц и похопиц Домашнї порядок, информациї ше даваю особи цо провадзи пациєнта, а йому ше сообща док му здравствени стан будзе лєпши и док будзе у можлївосци усно и/у писаней форми комуниковац зоз овласценим здравственим роботнїком.

Член 11.

Винїмково од розпорядку за нащиви яки утвердзени у члену 9. того правилнїка, овласцени здравствени роботнїк, уважуюци здравствени стан пациєнта и його потреби, може одобриц нащиву цо тирва длужей або у другим часовим периодзе, односно дочасно ю нє одобриц.

Датум: 13.7.2018.